Pularvu

வட மாகாணத்தில் காணப்படும் தாதியர் பற்றாக்குறையை தீர்க்கும் வகையில் க.பொ.த உயர்தரப் பரீட்சையில் கலை மற்றும் வர்த்தக பிரிவில் சித்தியடைந்தவர்களும் தாதியர் பயிற்சிக்கு சேர்த்துக் கொள்ளப்படுவர் இந்த விசேட சலுகை வடபகுதிக்கு மட்டுமே என சுகாதார அமைச்சர் மைத்திரிபால சிரிசேன தெரிவித்தார்.

கிழக்கு பல்கலைக்கழகத்தின் உபவேந்தராக பெரும்பான்மையினத்தைச் சேர்ந்த ஒருவர் நியமிக்கப்பட்டுள்ளமைக்கு எதிர்ப்புத் தெரிவித்தும் உடனடியாக நிரந்தர உபவேந்தர் ஒருவரை நியமிக்க வேண்டுமென்று கோரியும் கிழக்குப் பல்கலைக்கழக மாணவர்கள் வகுப்புப் பகிஷ்கரிப்பில் ஈடுபட்டுள்ளனர்.

இலங்கையில் நிலைத்து நிற்கக் கூடிய காத்திரமான அரசியல்  தீர்வு ஒன்றை ஏற்படுத்திக் கொடுப்பதற்கு இந்தியா முழுமையான அதீத அக்கறை காட்டி வருகிறது. அதே சமயம் அமைதித் தீர்வு தொடர்பாக இலங்கையின் வாக்குறுதிகள் இந்தியாவுக்குத் திருப்தி அளிக்கின்றன.

தேசிய இனப்பிரச்சினைக்குத் தீர்வைக் காண்போம் என்ற உணர்வு அரசிடம் எள்ளளவேனும் இல்லை. அரசியல் பிழைப்பு நடத்து வதற்கே தமிழர் பிரச்சினையைப் பயன்படுத்தி காலத்தைப் போக்குகிறது என்று நவசமசமாஜக் கட்சியின் பொதுச் செயலாளர் விக்கிரமபாகு கருணாரட்ன குற்றஞ்சாட்டியுள்ளார்.

யாழ். மாநகர சபை முதல்வரின் போக்கைக் கண்டித்து மாநகரசபை எதிர்க்கட்சி உறுப்பினர்கள் வெளிநடப்பு செய்துள்ளனர். யாழ். மாநகர சபையின் மாதாந்த கூட்டமும் இவ் ஆண்டின் முதலாவதுமான கூட்டம்  காலை மாநகர முதல்வர் தலைமையில் ஆரம்பமானது.

பருத்தித்துறை சக்கோட்டைப் பகுதியில் நேற்று மாலை 17 வயதுடைய பாடசாலை மாணவி ஒருவர் இனந் தெரியாதோரால் கடத்திச் செல்லப்பட்டு கொலை செய்யப்பட்டுள்ளதாகத் தெரிவிக்கப்பட்டது. இதனையடுத்து நேற்றிரவு அந்தப் பகுதியில் பெரும் பதற்றமும் பரபரப்பும் ஏற்பட்டது.

"வடக்கு, கிழக்கு மக்கள் காணி, பொலிஸ் அதிகாரங்களைக் கோரவில்லை. அவர்கள் தமக்குச் சொந்தமாகக் காணிகளையும், பொலிஸாரின் பாதுகாப்பையும் தான் கேட்கின்றனர். இந்தச் சலுகைகளை வழங்குவதற்கு அரசு தயாராகவே உள்ளது'' என்று பொருளாதார அபிவிருத்தி அமைச்சர் பஸில் ராஜபக்ஷ நேற்றுத் தெரிவித்தார்.

காணி, பொலிஸ் அதிகாரங்களைப் பரவலாக்குவதோ 13 ஆவது திருத்தச்சட்டத்திற்கு அப்பாலான அதிகாரர பரவலாக்கத்தை அமுல்படுத்துவதோ தேசிய பிரச்சினைக்கு தீர்வாகாது என ஜே.வி.பியிலிருந்து பிரிந்த மக்கள் போராட்ட இயக்கம் கூறியுள்ளது.