Pularvu

தமிழ் அரசியல் கைதிகள் மீது மேற்கொள்ளப்பட்ட தாக்குதல் மற்றும் மோசமாகத் தாக்கப்பட்ட கைதி ஒருவர் உயிரிழந்தமை குறித்து இலங்கையில் உள்ள வெளிநாட்டு இராஜ தந்திரிகளுக்கு கூட்டமைப்பு நேற்று விளக்கியுள்ளது. இலங்கையரசு மீது அழுத்தங்களை பிரயோகித்து கைதிகளின் விடுதலையை துரிதப்படுத்து மாறும் கூட்டமைப்பு இராஜதந்திரிகளிடம் கோரிக்கை விடுத்துள்ளது.

கொல்லப்பட்ட தமிழ் அரசியல் கைதி நிமலரூபன் தொடர்பில் இலங்கை ஜனாதிபதியிடம் முன் வைக்கப்படும் மூன்று அவசர கோரிக்கைகள் தொடர்பில், நேற்று  மக்கள் கண்காணிப்பு குழு கொழும்பில் உள்ள வெளிநாட்டு இராஜதந்திரிகளுடன் நடத்திய  சந்திப்பின் போது  விளக்கம்  அளிக்கப்பட்டது.

வவுனியா சிறையில் இருந்து அனுராதபுரத்திற்கு மாற்றப்பட்டு அங்கு துவைக்கப்பட்ட பின்னர் றணகாயங்களுடன் மகர சிறைக்கு கொண்டு செல்லப்பட்டு போடப்பட்டுள்ள தமிழ் சிறைக் கைதிகளை தமிழ்த் தேசிய கூட்டமைப்பின் நாடாளுமன்ற உறுப்பினர்கள் சுரேஸ் பிறேமச்சந்திரன், சிவசக்தி ஆனந்தன், செல்வம் அடைக்கலநாதன் ஆகியோர் பார்வையிட்டுள்ளனர். இது குறித்து நாடாளுமன்ற உறுப்பினர் சுரேஸ் பிறேமச்சந்திரன் கருத்துத் தெரிவிக்கையில்,

வவுனியா சிறைச்சாலை அசம்பாவிதங்களின் பின்னர் இடமாற்றம் செய்யப்பட்டுள்ள தமிழ் அரசியல் கைதிகளின் உறவினர்கள், தமது உறவுகளை கைவிட்டு விட்டீர்களா என தமிழ் அரசியல் தலைவர்களை நோக்கி கேள்வி எழுப்புகின்றார்கள்.

இலங்கையில் உள்ள சிறைச்சாலைகளின் கட்டமைப்பில் மாற்றங்களை ஏற்படுத்துவதன் மூலம் சனநெரிசல் பிரச்சினைக்குத் தீர்வு வழங்க முடியும் இவற்றைத் தீர்ப்பதற்கு ஒத்துழைப்பு வழங்கப்படும் என சர்வதேச செஞ்சிலுவைச் சங்கம் தெரிவித்துள்ளது.